Verð ég orðinn árinu eldi, eða 24. ára gamall. Jibbý, og gráu hárin færast nær og nær....

Enn og aftur er ég ekki að standa mig í blogginu.  Það er svosem ekkert brjálæðislegt að frétta.  Skólinn gengur sinn hæga vanagang.  Sigrún varð bikarmeistari um daginn.  United rúlla upp deildinni.
Þessa vikuna voru skólabúðir  á Laugarvatni þar sem Áslandsskóli kom í heimsókn og gekk ferðin að mestu leiti vel.  Beta systir er búnað fara oftar til útlanda undanfarna tíu daga en ég mun fara allt árið.  Mér finnst eins og ALLIR nema ég séu að fara utan, og það er alveg hundleiðinlegt .
Annars verð ég árinu eldri á morgun kl. 13:23, jibbý gaman fyrir því.

Það er bara nóg að gera þessa dagana, vægast sagt.  Tímar á fullu þessa vikuna, bíó á fimmtudag,  árhátíð á föstudaginn og bikarúrslitaleikur hjá Sigrúnu á Laugardaginn. 
Hversu ljúft var að sjá boltann liggja í netinu "Kop" meginn á Anfield um hálf þrjú leitið ??  Ætla ekki að monta mig af þessum leik því þetta voru heppnis þrjú stig.
Ég vona bara innilega að Barca vinni Liverpool örugglega í kvöld.  Og svo allir í höllina á Laugardaginn...

“Hann flýgur fljótt, og fyrr en varir flest er breytt”. 

Já það má segja, fyrir utan hvað það er frekar mikið langt síðan ég hef bloggað.  Maður hefur verið meira en minna í bænum undanfarið, hvort sem er að vinna, eða læra. 
Ég skildi loksins um daginn af hverju það voru allir að tala um að Forest Whitaker myndi fá óskarinn fyrir einhvern mynd sem ég héldi að fjallaði um “skorsku konungsfjölskylduna”, fyrir utan að sú fjölskylda er ekki til, því fannst mér þeta svolítið skrýtið.  En við sumsé fórum á hana um daginn, og þvílík framistaða hjá kallinum.  Myndin sem slík er all svakaleg, en hann vinnur einfaldlega leiksigur, og átti óskarinn svo sannarlega skilinn.Í dag er auðvitað alveg svakalegur leikur!  Ef mínir menn í United vinna litla liðið á Anfield þá titilinn ansi nálægt, en ef ekki þá er allt opið.  Hvernig sem þetta fer þá verður þetta barátta í 90 mín.Ég fór á x-factor í gær ásamtt nokkrum frændssystkinum, og það er leiðilegt að sjá hvað heilu bæjarfélögum eyða pening í síma og sms-kostningar bara til að halda LÉLEGUM söngvara inni.  Hann Gylfi á að vera löngu farinn heim, enginn spurning, hann er yfirburða dapur í þessari keppni.  En það var gaman að sjá svipinn á litla fólkinu í gær þegar þetta var í gangi, en þó verður alveg að viðurkennast að Halla Vilhjálms ætti ekki að fara í uppistand eða slíkt var ekki alveg að gera sig í auglýsinga hléum og öðru.  En ætli ég og minn aldur séum markhópur þessa þáttar yfir höfuð? Það er spurningin....

Ég veit ekki um ykkur, en mér finnst niðurstaðan úr þessari könnun vera afar áhugaverð.  Það er greinilegt að fólk er ekki sammála um þessi mál, en hvað eigum við að segja......jafnara gæti það varla verið?? Vildi svo nota tækifærið og óska honum félaga Hirti til hamingju með merka áfanga í vikunni, hann nálagðist þrítugs aldurinn allssvakalega í vikunni, orðinn 25, og í gær varði hann mastersritgerðina sína uppá eitt stykki 8,5.  Til lukku kallinn og við skulum skála fyrir þessu á laugardaginn, jafnvel oftar en einu sinni   Strengdiru áramótaheit?
Já
17%
Nei
17%
Ég trúi ekki á áramótaheit....
17%
Til hvers í fjandanum ætti ég að gera það...
17%
Já, 20 kíló í burtu fyrir mars lok!!
17%
Áramótaheit-smáramótaheit!!
17%

Tímarnir breytast og mennirnir með, það er nokkuð ljóst.  Núna er svo komið að því að það er töluvert um breytingar hjá mér á minni skólagöngu.  Fyrir það fyrsta þá er ég búinn að segja upp leigusamningnum sem ég var með á heimavistinni, og er að flytja heim og fara að keyra á milli rvk og laugarvatns.  Það eru ástæður fyrir því sem ég nenni ekki að tíunda hér, enda allt í góðu samt. 

Í vetur stemmdi í að ég myndi taka 2 kúrsa með 3.árinu og svo rest með mínu ári, þetta hefði skapað þvílíkt vesen útaf akstri, árekstrum við aðra kúrsa og ég veit ekki hvað og hvað.  En í dag fékkst ákveðin lausn á málinu og þetta er allt komið á hreint, ég sæki alla tíma með mínu ári, og það er flott.
Annars er svosem ágætt að vera byrjaður í skólanum aftur, nóg að gera og svona, en vissulega breytingar framundan. Herbergið mitt verður tómlegra með hverri stundinni, enda er ég smátt og smátt að tæma útúr því....

En allavega, back to school, back to business.....

Þó nýtt ár sé komið hefur svosem ekki mikið breyst. Við fórum reyndar á rosalega flotta tónleika með sálinnni og gospell þann. 30. des sem ég bara steingleymdi að segja frá.  Þar var verulega flott verk á ferðinni. Það styttist í að skólinn byrji, það er vinna á fullu, og svo er allt eitt og annað sem þarf að gera.  Ég held samt að eitt það sem besta sem ég hef gert á nýju ári er að fara í bíó á myndina Köld Slóð.  Þar er fín, ekta íslensk spennumynd á ferðinni, morð, draugar og allur pakkinn bara.  Myndin kom mér verulega á óvart og bara vel gerð í allastaði.  “Voðalega er eitthvað heitt hérna inni J” Gullmoli fyrir þá sem hafa séð myndina.

Annars bara afskaplega lítið að frétta svosem

Vill óska öllum gleðilegs nýs árs, takk fyrir gamla og gömlu, sjáumst fersk á nýju ári.

Í gær og og í dag voru próf í skyndhjálp og björgun, alls voru þau þrjú, verklegt, munnlegt og bóklegt. Það verklega var í gær, og gekk vel, og ég var gríðarlega sáttur með að ná að klára það vel.
Dagurinn var svo tekinn í lærdóm fyrir daginn ídag, en þá voru 2 próf, frekar massívur dagur. Skriflega prófið gekk nokkuð vel held ég, en eftir það var eiginlega skrýtið ástand, aftur að lesa nákvæmlega sama efnið, samt reynað hvíla sig aðeins. Daguirnn var skrýtinn í meira lagi, bið á eftir bið í þetta blessaða munnlega próf og svo bætist eitt stykki hálftíma seinkun við.
Sem betur fer kláraðist prófið um fimm leitið, hvernig það fór er erfitt að segja, byrjaði vel, hefði svosem getað endað betur. Í kvöld er svo verkefnavinna við að klára eitt í íþróttasálfræði fyrir morgudaginn, og svo er það í bæinn, það verður fínt að fara af vatninu...
sælar

Það styttist óðum í þessi blessuðu jólapróf, raunar er það fyrsta á morgun! Og því eru dagnarnir núna nýttir í lærdóm. Við skötuhjúin höfum búið útí skóla þessa helgina, vorum mætt í gær og í morgun vel fyrir níu og höfum lesið alveg fjandi mikið. Á föstudaginn var langur lestrardagur, matur í læknum og svo bara chill. Við horfðum á x-factor, og þessi Ellý í Q4you er náttla bara kex rugluð, það sést langar leiðir hún er ekki með alla perurnar í lagi. Ég held að við höfum sofnað í kringum ellefu leitið, slik var þreyttan. Vaknað klukkan sjö, uppí skóla og lesa lesa. Það er verklegt skyndihjálparpróf á morgun og það verður tekið með stæl! Svo er bóklegt og munnlegt daginn eftir, þannig að það er bara harkan sex næstu daga. Við bökuðum svo laufabrauð í gær, reyndar ekki ég og Sigrún, við komum bara í matinn sem var mjög góður, og svo bara snemma í háttinn. United og Chelsea gerðu jafntefli í hörkuleik og bara fín auglýsing fyrir enska boltann Jæja, aftur í bækurnar, sælar!

Já núna er fjörið, brjálað að gera á öllum vígstöðum og þannig á það að vera.  Þessa dagana er æfingakennsla í fullum gangi sem og verkefnavinna.  Það styttist ennfremur í prófin “skemmtilegu”.  En á milli er auðvitað lært og lært, og slakað á.  Daniel Craig er góður sem James bond, en þessi dani sem leikur “le chiffre” er engan veginn að gera sig. 
En vá hvað er málið með allan þennan snjó sem ákvað að koma um helgina, allt er gott í hófi, en núna er það sem myndi kallast slabb og leiðindafærð.  Samt var nánast ekki snjókorn á Laugarvatni.
Ég bara nenni ekki að ræða fótbolta núna, en það verður svaðalegur leikur á sunnudaginn þegar united vondandi vinnur chelsea örugglega.

bæ

 

 

Ég held að þessi vika sem er að klára sé ein sú kaldasta sem ég man eftir.  Það er bara kalt á þessu landi, og ég hugsaði karli föður mínum þegjandi þörfina í verandi í hitanum í Dubai af öllum löndum.  Annars get ég svosem ekki mikið kvartað á meðan ég er ekki að vinna úti eins og t.d. verkamenn.  Ég er búnað búa útí skóla í vikunni að lesa, og það er vægast sagt nóg að gera.  Á fimmtudaginn kom svo akademían í heimsókn til okkar, og auðvitað unnum við Laugvetningar íþróttagreinarnar, nema hvað!
Æfingakennslan sama dag gekk vel, amen fyrir því.

Ef allt er eðlilegt þessa helgi þá vinnur United, Chelsea vinnur, Drogba skorar, og Liverpool tapar.....Annað væri mjög óeðlilegt.

Vá hvað það er eitthvað lítið að segja.....

Það er lítið í fréttum þessa dagana. Núna býr maður niður í Kennó í Stakkahlíð og les les les. Mamma og pabbi komi þreytt og brún heim frá suður-afríku á mánudaginn og ég gæti trúað að það hafi verið nett frekar gaman. Núna á morgun er “alvaran að byrja” ef svo má segja, því þá hefst æfingarkennsla hjá mér, og það gengur vonandi bara vel. En hvað er málið með allt þetta jóla-hype sem er komið í gang, okei það er miður nóvember en VÁ! Allar þessar auglýsingar, og bæklingar sem nú þegar komið, búið að opna jólaland og ég veit ekki hvað og hvað...... Fyrir mér byrja jólin ekki fyrr en vð gerum laufabrauð í lok nóv/byrjun des, og svo hefst gleðin þegar þessi blessuðu próf eru búin. Fleira var það nú ekki í bili, áfram með lesturinn

Ég hugsa að það verði seint sagt að næringarfræði sem skemmtilegasta fag í heimi , en engu að síður þarf víst að læra hana....Það er einmitt að það sem ég er að gera þessa dagana, próf á föstudaginn, og jibbý, æðislega gaman eins og þið getið rétt ímyndað ykkur .  Skólinn hefur verið svona að meðaltali 2 tímar á dag í núna í vikunni, og því hef ég keyrt á milli Laugarvatns og rvk, sem er sosem þreytandi, en allt í lagi samt.  Það er svosem ekkert gríðarlegt í fréttum beint, mikill tími fer í lestur, hreyfingu og svo að eiga kósý kvöldstundir í góðum félagsskap. 

Hinsvegar var alveg fáránlega slæm færð uppá Laugarvatn í morgun, og við voru tæpa tvo tíma á leiðinni, enda hafði greinilega kyngt duglega niður í gærnótt, mæli með því að fólk verði tímanlega á ferðinni næstu daga.

En bækurnar kalla víst.....sælar

 

 

Helgin var bara nokkuð góð myndi ég segja.  Föstudagurinn var tekin í vinnu á herrakvöldi Vals, og svo kíkt stutt niðrí bæ.  Laugardagurinn var svo bara chill með blandi af lærdóm og enska boltanum.  Um kvöldið kíktu svo strákarnir til mín o g svo fór ég í bekkjarpartý hjá Sigrúnu og svo niðurí bæ.  Sökum veður var slútt um kl. 4 um morguninn.....Þvílíkt veður sem var á laugardaginn, skuggalegt óveður. Sunnudagurinn var tekin með hæfilegu kæruleysi, bókum, handboltaleik og þvílíkt góðu læri í matinn.  Við vorum fjandi dugleg skötuhjúin útí skóla.  Um kvöldið var svo rólegheita dvd áhorf og snemma í háttinn... Var svo í skólanum í morgun að læra, en vinna í krakkoti þegar þetta er skrifað.  Í kvöld er svo ætlunin að elda Kjúlla í mangósósu fyrir okkur tvö, í fyrsta skipti sem ég ætla að elda svona “alvöru” máltíð, og afraksturinn verður athyglisverður.

Ég var sáttur með mín lið um helgina, United rústaði Pompey, og Valur vann Fram öruggt í handboltanum.  Chelsea og arsenik töpuðu bæði og því var þetta fjandi vel gert þessa helgina.....

sælar